 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
「英皇電影」投資的09年暑期檔青春純愛電影《很想和你在一起》，令洪卓立（Ｋｅｎ）、詩雅、陳家樂三個四葉草男、草女，在新片中再次碰頭談情。可是開工 的首天男、女主角竟然為戲中的一場天台談情戲臨場加演了一場「中暑」番外篇，由於事出突然，結果拍攝外景地頓成急救中心，現場工作人員連忙趕急為洪卓立和 詩雅解暑搶救。
提起當日中暑的經過詩雅竟然回味起來說：「其實當日我同阿Ｋｅｎ喺天台拍嗰場談情戲時一開工就見到導演一包包鹽水係咁飲，佢同我哋講自己易中暑，所以每次出外或者有太陽晒，佢就帶定啲鹽水沖嚟飲。當時我地心諗乜導演咁潺架？點知話口未完自己就喺天台「中招」，又嘔、又暈，結果要工作人員扶我落樓休息。阿Ｋｅｎ本來同我一齊喺天台等埋位，佢見我突然暈咗都嚇咗一跳，仲陪住我落樓「避暑」。好彩我抖咗一陣之後，個人開始清醒番。點知阿Ｋｅｎ開口問我冇事吖嘛?我都嚟晤切答，佢就即刻暈喺我面前。真搞笑叫佢都冇反應，人哋晤知仲以為我哋夾埋做戲。原本天台場戲要拍一個阿Ｋｅｎ錫我鏡頭，最後要等我哋「聯手」又嘔、又暈之後至拍番咯。」
雖然在天台曝晒四、五個鐘拍談情戲落得如此經歷，但阿Ｋｅｎ像發現新大陸般說：「嘩！我終於知道中暑原來係咁！嗰剎那好想嘔，個頭又好暈，最抵死係好急，好想去廁所。不過辛苦晒班工作人員咯。要佢哋係咁來回扶我哋兩個由天台跑到樓下陰涼地方休息，係咁俾水我哋飲解熱，如果晤係真係要送去醫院。當日最好彩就係家樂！佢喺現場等拍下一場戲，所以大部份時間都留喺冷氣房避暑咯。哎！真係同人晤同命呀！」
阿Ｓｉｒ踢爆詩雅戀情
不過這場天台戲卻讓詩雅、阿Ｋｅｎ和家樂勾起求學時期的不少甜蜜回憶。尤其詩雅，讀中三那年，被老師發現她在學校談戀愛，更無意中將其戀情傳開，可是她不但沒有被處罰，且覺得老師很開通，至今她仍很難忘的說：「當時我男朋友喺學校跌咗個銀包，個銀包放咗我張相喺度，有同學執咗交俾老師以為係我跌，阿Ｓｉｒ叫我攞番個銀包，提醒我以後小心啲，我同佢講個銀包晤係我，佢即刻好醒目咁知道咩一回事，第日幾乎全校都知我拍拖。阿Ｓｉｒ冇反對仲叫我拍拖還拍拖，要適當分配番讀書時間。所以當我着番校服拍呢個戲時，就直覺好似好多日劇內容咁，求學時期拍拖係好sweet，仲要天台談情最常見啦，連自己也當正日劇咁去演。我成日諗如果有香港版「花樣男子」我覺得阿Ｋｅｎ同家樂會得架。阿Ｋｅｎ有時笑起嚟個樣仲有啲似小池徹平，幾cute。」阿Ｋｅｎ也附和說：「係呀！ 其實人哋話詩雅似大S，我覺得佢日本味濃啲啫，同長澤正美氣質有幾分似噃。」
| < 上一页 | 下一个 > |
|---|
我要评论